Ndertohet Suzhou No. 2, biblioteka me 7 milion libra
Gmp Architekten ka përfunduar bibliotekën Suzhou No. 2, e vendosur në veri të qendrës historike të qytetit të Suzhou, me një sistem inteligjent ruajtje të librave.
Biblioteka e re përmban librari të specializuara, koleksione dhe dhoma ekspozite, duke e bërë ndërtesën të bëhet një qendër kulturore për njerëzit.
Gmp Architekten hartoi një veçori kryesore për bibliotekën: një sistem inteligjent ruajtjeje me një kapacitet prej shtatë milion librash. Me Suzhou No. 2, qyteti ka ndërtuar bibliotekën e parë në Kinë që, përveç funksioneve tradicionale të bibliotekës, përmban një sistem të ruajtjes inteligjente plotësisht të automatizuar.
Biblioteka dallon për pamjen e saj unike nga forma e pazakontë e ndërtesës dhe fasada e dritareve elegante të aluminit. Ndërtesa e re e bibliotekës përbëhet nga dy pjesë të lidhura, katet e sipërme dhe podiumi.
Fasada e mbyllur e bibliotekës përmban karakteristika të ekspozuara të derdhura prej betoni në një kallëp prej druri që zbulon strukturën dhe lëvizjen në fasadë. Mbi këtë, hapësirat publike të ndërtesës janë të veshura me xham transparent, duke dhënë një pamje të bukur të peizazhit.
Objekti inteligjent i ruajtjes me fasadë të mbyllur ndodhet në pjesën veriore të zonës, ndërsa salla e leximit me fasadën e saj transparente shtrihet në jug, me pamje nga qyteti. Gjithashtu biblioteka përmban gjashtë kate kryesore mbi tokë me një lartësi 5.7 metra për secilin kat.
Dy pjesët e ndërtesës janë të ndara nga një aks qendror që rrjedh nga lindja në perëndim që formon një shesh të arritshëm për publikun.
